fbpx

قصيدة زجلية للاستاذة بديعة القضيوي الادريسي بعنوان :” فتلني “

 فتلني
فتلني دوم
وقيد رجلي
في وتد مخبول

زرع في جنابي
فرحة الهمس
ونور ليلي
بشمع كللو ريحة
الزهر

شطب مريرتنا
نقيها من شوك العفر
وسقيها عطر وصبر

علمني
علمني نكون علك
بين سنان فرحانة
نكون مسك ف ليل
نجومو ضاوية
نكون شهرزاد بحكاية
دوم لعمر
ونكون شهد اللغى
بلا دموع القرح

ونت عمرك تخون
ولا تغدر
وللا تحول العين
وتهجر

نكونو سكينة ورحمة
وحنان الشعى في كدية
العشق والزهر

اترك رد