فتيحة بلالي:
سعداتك افاعل الخير
بكري كان بالخاوا
يعمروا الكتاف
اليوم لا خوى الجيب
وخا يكونوا عندك عشرة
يتنصلوا الكتاف
الغالب الله
السوق غلا
ما كاين غير الكفاف والعفاف
مشيت نتقدى
الگفة بين كتافي
خاوية تشالي
السوق ما فيه ما يتشاف
ماحدني نسول
وانا شادني بوتفتاف
الغلى والكوى
عاد عرفت معنى بوقفقاف
الفرخة هازة منقارها
تخير ماتطيب
غير في الكازينوا
و مقلة الشاف
الله عليك أگصيعتي
بغيت نفور طعيمة
لا گرعة لا مطيشة لا لحيمة
البصلة هازة مناخرها
وحتى ماكلة ما بقات عند اولادي تعاف
والله حتى الترابي گرات
شكون فينا ماتربى
يگرد صبعوا
الجفاف الجفاف
من اليوم ماكاين لاميم ولا قاف
كلشي ينعس ويتكمش
ويجر عليه اللحاف
زوينة هذه ……..
فين عمرهم تقادوا الكتاف
بقلم : فتيحة بلالي
