وادي زم : ابو ريحانة يرثي (RCOZ) بعد السقوط باسلوبه الساخر مقتبسا كلماته من اغاني الشيخة خربوشة في هجاء القائد عيسى بن عمر .
محمد صمري أبو ريحانة:
و خايت عليك اليام ..أليام أيام…أيام الخسران القهرة و الظلام و الحكرة والهوان… وفينك يالخشاش والنجمي فين عارة ولطيف فين المعطي النجار ولد منصورة وبستي وباني وبوسلهام ووو… راه عطونا الدق بلا قرطاس فين الشان و المرشان… شحال غيرتو من عباد هاذ العشوية… شحال تعديتو و خسرتو من خواطر و سياد.. بلا شفقة بلا تخمام…
وايلييييي…. هدمتو لفركات وهججتوا اللامات وشتتو لعلامات كلتو الغلة وسبيتو الكسيبة وصكٌتو لفرقة كيف النعام… وبكيتو الصبيان بالعرام …
وايلييييي كي الشيخ كي العبد كي المقدم كٌاع منكم طالبين التسلام …وفينك يالخشاش ومگميمة فين الشان و المرشان طغيتو وتجبرتو بلا قياس …تعديتو وخسرتو لخواطر.. ظنيتو القيادة للدوام …الجيد ما بقالو شان.. والرعواني والخردة زيدتوها للكٌدام…
وايلي آيلي …….يالحاضر بلغ الغائب قولو راه الغدر عايب…..
اليوم شحال من فرحة تزهقات وشحال من لويزة وادزمية تصرفت نحاس…….راه فراج الله قريب …
وختمت خربوشة أغنيتها : والله فيكم لبقات على مادرتو فينا
الجديدة اليوم